Beqiri në emisionin “Infonata” bëri të ditur se që nga fillimi i zbatimit të kësaj pakoje ka pasur komplikime të shumta.
“Sa i përket kësaj pakoje, ka pasur komplikime të shumta që nga fillimi i zbatimit të saj. Disa nga elementet pse nuk është zbatuar pakoja ashtu siç është paraparë, është sepse fillimisht pako në përgjithësi ka pasur mungesë të theksuar të objektivave të numerizuar ose të matshme. Gjithashtu, ka pasur shumë nga masat të cilat fillimisht janë prezantuar, por tutje ka ndryshuar edhe projektimi i tyre. Ndoshta nëse qeveria do bënte një plan veprimi të bazuar në indikator matës, zbatimi i kësaj pakoje do bëhej më mirë”, vlerësoi Beqiri.
Më tej, ajo tha se nuk është marrë parasysh përfshirja e palëve të treta në zbatimin e kësaj pakoje, e që sipas saj, kjo do bënte diferencë të madhe.
