Sulmuesi Karim Benzema duket se po e luan sezonin e tij të fundit si futbollist aktiv.
Bëhet e ditur se Benzema edhe zyrtarisht po e konsideron pensionimin e tij në verën e vitit të ardhshëm, një vit para se ti skadoj kontrata me Al-Ittihadin e Arabisë Saudite.
Thuhet se Benzema tashmë ka njoftuar edhe drejtuesit e klubit nga Arabia Saudite, pjesë e të cilit është prej vitit 2023 kur iu bashkua si lojtar i lirë.
Pas pensionimit, Benzema pritet të emërohet ambasador i Real Madridit pasi për ekipin spanjoll ka luajtur prej vitit 2009 deri në vitin 2023, duke fituar gjithçka që mund të fitohet në nivel klubesh.
Këtë sezon, Benzema që është kapiten i Al-Ittihadit, ka shënuar 10 gola në po aq ndeshje të luajtura në kampionat.
