Regjisori dhe aktori i njohur Ben Affleck më në fund ka thyer heshtjen për divorcin e tij nga Jennifer Lopez. Në një intervistë për kopertinën e prillit të “GQ”, ai tregoi të vërtetën e tij, duke mohuar thashethemet dhe duke sqaruar se nuk kishte skandale, apo drama pas përfundimit të martesës së tyre.
“Nuk ka asnjë skandal, telenovelë, asnjë intrigë. E vërteta është se kur flet me dikë dhe pyet “Çfarë ka ndodhur?” nuk ka asnjë përgjigje të vetme. Është thjesht historia e dy njerëzve që përpiqen të kuptojnë jetën dhe marrëdhëniet e tyre, siç bëjmë të gjithë ne, pak a shumë. Një ndarje që nuk kërkon fajtorë. Dhe që në fakt duket se bazohet në dallimet në karakter dhe qasje ndaj jetës publike. Temperamenti im është pak më privat se i saj. Siç ndodh në shumë marrëdhënie, ne nuk kemi gjithmonë të njëjtin qëndrim ndaj disa gjërave Unë nuk kam asgjë tjetër veçse respekt për Jennifer Lopez. Ka një tendencë për të kërkuar të identifikojë shkaqet rrënjësore të një ndarjeje. Por e vërteta është shumë më e përditshme, më banale nga sa mund të mendoni”, ka thënë Affleck.
Lopez nga ana tjetër është shfaqur në disa ngjarje publike ku duket më e freskët dhe më e qetë se kurrë më parë. Sipas burimeve, këngëtarja dhe aktorja nga Bronx-i ka vendosur të përqendrohet te vetja e saj, duke mbyllur derën për lidhje të reja dhe duke kërkuar kohë për t’u fokusuar në aktivitete që e bëjnë të lumtur. Një burim i afërt me JLo ka zbuluar për Daily Mail se ajo nuk është në kërkim të një marrëdhënieje të re dhe ka vendosur të mos angazhohet emocionalisht me askënd për momentin. Ajo është ende duke përpunuar mbylljen e kapitullit me Ben Affleck dhe po përpiqet të kuptojë veten dhe nevojat e saj./TAR
