Përfaqësuesja e Anglisë do të jetë pa mesfushorin Jude Bellingham për dy ndeshjet e fundit kualifikuese për “Euro 2024”.
Bellingham është larguar të martën nga grumbullimi i Anglisë për shkak të lëndimit që e ka pësuar duke luajtur për Real Madridin.
Federata angleze ka bërë të ditur se Bellingham do të rikthehet në Madrid për ta vazhduar rikuperimin e dëmtimit, i cili e mbajti jashtë fushe në dy ndeshjet e fundit të Realit. Anglia këtë muaj përballet me Maltën dhe Maqedoninë e Veriut këtë muaj në kuadër të Grupit C kualifikues, të cilit i prin me 16 pikë të mbledhura.
Bellingham këtë edicion është lojtari kryesor i Real Madridit, pasi ka shënuar 13 gola në 14 paraqitjet e para për ekipin spanjoll.
