Kryeministri I ri I Belgjikes, Bart De Wever bëri betimin herët të hënën, para mbretit Philippe, që është monarku i fundit i shtëpisë mbretërore për të cilën ai për shumë kohë kishte vetëm përçmim sepse simbolizonte konceptin e vjetër të unitetit belg.
“Betohem për besnikëri ndaj mbretit,” tha ai.
Kryeministri dhe ministrat kryesorë bënë betimin në holandisht dhe frëngjisht, ndërsa disa të tjerë në ekipin 15 anëtarësh betimin e bën vetëm në gjuhën e tyre gjatë një ceremonie të shkurtër në Pallatin Mbretëror, raporton AP.
“Ju mund… të mos merrni pjesë në një qeveri dhe të prisni derisa sistemi të merret në tërësi. Nuk kam besuar kurrë në këtë”, tha ai për gazetën De Standaard. “Opsioni tjetër është të merrni pjesë kur të mundeni dhe të bëni gjëra për komunitetin tuaj, dhe kjo është ajo që bëmë.
“Kur nuk merr pjesë, sigurisht që mbetesh duarbosh,” shtoi ai.
Çështjet gjuhësore janë thurur përgjatë shekullit të kaluar, ndërsa kombi i dominuar nga francezët hapi gradualisht rrugën për një skenë të ekuilibruar politike, ndërkohë që fuqia industriale e Wallonisë u zbeh dhe fuqia ekonomike e Flanders u rrit.
“Ne do të kemi një qeveri që do të pastrojë buxhetin, do të zbatojë një politikë të drejtë sociale, do të shpërblejë punën, do të zbatojë politikën më të rreptë të migracionit ndonjëherë, do të heqë dorë nga programet për largimin nga energjia nukleare, dhe do të investojë në siguri,” tha partia e kryministrit, N-VA në një deklaratë.
