Pas akuzave për kërcënim, shantazh e dhunë psikologjike ndaj studentëve, Bekim Bejta ka dhënë dorëheqje nga pozita e ligjëruesit në UP.
Profesori në departamentin e gjuhës angleze vendimin ia ka bërë të ditur senatit të UP-së përmes një letre.
“Unë, Bekim Bejta, profesor dhe hulumtues shkencor i Universitetit të Poitiers, Francë, po ju njoftoj që nga dita e sotme, nuk jam më profesor i Universitetit të Prishtinës. Domethënë unë po e braktisi (lë, lëshoj) këtë vend pune”, ka shkruar ai në njoftimin për dorëheqje.
Më 12 prill Senati i Universitetit të Prishtinës kishte marrë vendim që ta përjashtojë profesorin e Fakultetit të Filologjisë, Bekim Bejta, nga procesi mësimor dhe nga të gjitha aktivitetet akademike në UP.
Vendimi ishte marrë pas shkeljeve të vazhdueshme disiplinore të denoncuara nga studentët.
