Gazetari, Mirlind Behluli ka deklaruar se për herë të parë Lista Serbe do të përçahet dhe do të humb deputetë në Kuvendin e Kosovës.
Sipas tij dy eventualisht tre deputetë të Listës Serbe do të kalojnë te kryetari i Partisë për Liri, Drejtësi dhe Mbijetesë, Nenad Rashiq.
Behluli në emisionin “Këndi i Debatit” në Tëvë 1 ka shtuar se këta deputetë do ta votojnë Qeverinë Kurti 3.
“Unë mendoj që për herë të parë do të shohim një çarje të Listës Serbe. Për herë të parë Lista Serbe do të humb deputetë në Kuvendin e Kosovës. Për herë të parë Nenad Rashiqi nuk do ta ketë vetëm një deputet por do t’i ketë tre deri në katër. Unë mendoj që për herë të parë Lista Serbe do ti humb dy ose tre deputetë dhe këtë nuk po e them kështu si spekulim por kam burime të mia që do të përçahet dhe dy eventualisht tre deputetë të saj do të kalojnë te Nenad Rashiqi. Pra ata do të dalin nga Lista Serbe dhe do ta votojnë Qeverinë Kurti”, ka thënë ai.
Ai më tej ka thënë se përçarja e Listës Serbe do të ishte e mirë për demokracinë kosovare.
“Unë mendoj se nëse arrihet të përcahet Lista Serbe është për të mirën e demokracisë brenda vetë komunitetit serb dhe pastaj për demokracinë kosovare sepse duke qenë parti me tentakula mafioze arrin t’i marrë nëntë deputetë”, ka shtuar Behluli./teve1.info/
