Gazetari, Mirlind Behluli ka thënë se është ditur se LVV do të marrë shumicën dërmuese të votave nga diaspora.
Kjo pasi sipas tij, diaspora nuk i sheh problemet bazike në Kosovë dhe të njëjtin kanë pikëpamje ‘kozmike’ për veriun.
Behluli tha se ata çështjen e veriut e shohin si një triumf të kryeministrit, Albin Kurti dhe mbi këtë bazë votat për LVV-në janë rritur nga diaspora.
“Ne kemi ditur se diaspora e voton në shumicë gati dërmuese LVV për shumë arsyeje. Ata mbi të gjitha kanë një pikëpamje më kozmike mbi narracionin politike në Kosovë. Ata nuk i shohin problemet e përditshme me të cilat mund të përballemi ne, nuk i shohin problemet me kanalizim, me ujë etj. Një pikëpamje kozmike kanë për veriun, ata shohin çështjen e veriut si një triumf të Kurtit… mbi bazën e kësaj votat për LVV ka shkuar duke u rritur në diasporë“, ka deklaruar ai në emisionin “Këndi i Debatit“ në Tëvë1.
Kështu u votuan partitë politike në Norvegji, Hamburg e Bernë – LVV prin bindshëm
