Ndeshja Serbi-Shqipëri do të luhet në “Gradski Stadion Dubocica” të Leskovacit. Ky ndryshim i pazakontë i axhendës është zyrtarizuar nga vetë UEFA tashmë, ndërsa ishte paralajmëruar më parë në Serbi.
Si fillim sfida e vlefshme për kualifikueset e Botërorit 2026 ishte programuar në stadiumin “Rajko Mitic”. Dita e axhendës mbetet e njëjtë ndërkohë, me sfidën që do të nisë më 11 tetor ora 20:45.
Të dyja përfaqësueset janë pjesë e Grupit K. Shqipëria ka luajtur pesë ndeshje tani dhe regjistron 8 pikë, ndërsa Serbia me katër ndeshje numëron 7 pikë.
