Me peshë prej 40 ton, nga Mitrovica e Jugut u nis në drejtim të Urës së Ibrit. E si kamioni i parë, erdhën edhe tre të tjerë.
Në këtë formë, ata po e testojnë qëndrueshmërinë e urës që e ndanë Mitrovicën e Jugut dhe atë të Veriut.
E pas këtij testimi, do të dihet nëse ura do të lëshohet për qarkullimin e veturave.
Ne terren për ti parë inspektimet erdhi edhe zëvendësministri i Infrastrukturës, Hysen Durmishi, i cilia tha që brenda dy-tri ditëve do i dinë rezultatet e kësaj matje.
Pavarësisht që nuk jep datë, ai është i bindur qe kjo urë do të hapet.
E për vizitë të punimeve të enjten në Mitrovicë erdhi edhe ministri i Administrimit dhe Pushtetit Lokal, Elbert Krasniqi dhe kryetari i komunës së Mitrovicës së Veriut, Erden Atiq.
Ata nga përfaqesuesit e kompanisë së kontraktuar u njoftuan rreth pajisjeve dhe mënyrës se si po kryhet kjo matje.
