Presidenti i Shqipërisë, Bajram Begaj të dielën e ka uruar kryeministrin e rizgjedhur të Australisë, Antonio Albanese, i cili fitoi një mandat të dytë për të drejtuar vendin.
Begaj nëpërmjet një postimi në platformën “X” ka thënë se ndjehen krenarë të shohin një udhëheqës me rrënjë arbëreshe në krye të një vendi të madh si Australia.
Ai po ashtu ka uruar që bashkëpunimi mes dy vendeve të vazhdojë të thellohet në vitet në vijim.
“Urime Kryeministër Antonio Albanese për rizgjedhjen tuaj! Teksa Shqipëria dhe Australia gëzojnë marrëdhënie të ngrohta dhe miqësore, jemi krenarë të shohim një udhëheqës me rrënjë arbëreshe në krye të një vendi të madh dhe njërit prej partnerëve tanë. Urojmë që bashkëpunimi ynë të vazhdojë të thellohet në vitet në vijim.”, ka shkruar Begaj në “X”.
Congratulations PM Antonio Albanese @AlboMP on your re-election.
As Albania and Australia enjoy warm and friendly relations, we are proud to see a leader of Arbëresh roots guiding a great country and one of our partners.
May our cooperation continue to deepen in the years…
— Bajram Begaj (@BajramBegajAL) May 4, 2025
Ndryshe, kryeministri i Australisë, Anthony Albanese në zgjedhjet e përgjithshme të mbajtura të shtunën ka siguruar mandatin e dytë trevjeçar, duke u bërë kështu udhëheqësi i parë në dy dekadat e fundit që arrin dy fitore radhazi.
