Ai përmes një postimi në Facebook ka thnë se ambasadori Walker ishte i pari që njoftoi botën me Masakrën e Reçakut të cilën e kishte quajtur krim kundër njerëzimit.
“Nderova sot në emër të shtetit shqiptar dhe të gjithë shqiptarëve, me një nga medaljet më të larta të Republikës së Shqipërisë, atë të “Kalorësit të Urdhrit të Flamurit” Ambasadorin William G. Walker. Ambasadori Walker është një personalitet ndërkombëtar, diplomat dhe humanist, i pari që ekspozoi në mbarë botën si “një krim kundër njerëzimit” masakrën e Reçakut, ku u masakruan dyzet e pesë qytetarë të pafajshëm nga trupat ushtarake dhe paraushtarake të regjimit të Millosheviçit, gjë që solli reagimin e menjëhershëm të komunitetit ndërkombëtar”, ka shkruar Begaj në Facebook, transmeton teve1.info.
Kosova të dielën ka kujtuar Masakrën e Reçaktut ku 24 vjet më parë nga regjimi serb ishin vrarë e masakruar 43 kosovarë civilë në mesin e tyre gra, fëmijë e pleq.
