Bega në Tëvë1 tha se hapi i Qeverisë për ta ngritur pagën minimale duhet të përshëndetet sepse, siç tha ai, më mirë është të jetë 264 euro sesa 170 euro sa është aktualisht.
Sipas tij, veteranët e luftës meritojnë më shumë sesa paga minimale, mirëpo ai tha se numri prej 35 mijë veteranëve duket të jetë i fryrë.
“Këtu është krijuar një lëmsh social ku janë lidhur kategori të ndryshme sociale edhe vetenarënt e luftës me pagën minimale. Unë konsideroj që shteti nuk duhet ti trajtojë veteranët si rast social dhe t’u jep pagesa sociale sepse, veteranët meritojnë më shumë sesa paga minimale. Mirëpo ne duhet të jemi koshient që debatet të cilat zhvillohen në lidhje me numrin e veteranëve janë goxha bindëse nëse shikohen deklaratat e komandantëve nëpër media pas luftës dhe numri prej 53 mijë personash sa është i pranuar në Zyrën e Kryeministrit duket të jetë i fryrë. Dhe sot nga buxheti i Kosovës rreth 37 mijë persona përfitojnë këtë pagesë prej 170 euro që është një kosto goxha e rëndë për buxhetin e shtetit sepse janë rreth 75 milionë euro në vit që shkojnë për kategoritë e veteranëve”, tha Bega. /teve1.info.