Kryetari i Partisë Demokratike të Kosovës (PDK) dhe kandidati për kryeministër, Bedri Hamza, ka publikuar një video të re në kuadër të fushatës zgjedhore, duke fokusuar mesazhin e tij te bashkimi dhe tejkalimi i ndarjeve politike.
Në video, Hamza u drejtohet qytetarëve duke theksuar lodhjen e popullit nga krizat e vazhdueshme dhe përçarjet që, sipas tij, kanë dëmtuar vendin dhe shoqërinë.
Kandidati i PDK-së thekson besimin e tij në një politikë bashkuese që forcon vendin dhe qytetarët. “Unë nuk besoj në politikë që përçan. Besoj në bashkim. Vetëm bashkë jemi më të fortë. Vetëm bashkë fitojmë”, shpjegon Hamza.
Në përfundim, ai fton qytetarët të mbështesin vizionin e tij për një Kosovë më të qëndrueshme dhe më të zhvilluar.
