Bashkimit Evropian ka reaguar pas aksioneve të zhvilluara nga autoritetet e Kosovës, ku janë mbyllur disa institucione paralele serbe.
Në një deklaratë të lëshuar nga kjo BE thuhet se aksionet e fundit rrezikojnë të rrisin tensionet.
“Operacionet e fundit të policisë së Kosovës, inspektimet dhe mbylljet e shërbimeve publike në Kosovë rrezikojnë të përkeqësojnë tensionet dhe ndikojnë negativisht në jetën e përditshme të komuniteteve lokale, si dhe dëmtojnë qëndrimin ndërkombëtar të Kosovës. Ne jemi veçanërisht të shqetësuar për operacionet ndaj kompanisë Vodovod Ibar në Mitrovicën e Veriut dhe ndaj impiantit të furnizimit me ujë dhe kompanisë së shërbimeve publike në Zubin Potok, të cilat ofrojnë shërbime themelore publike për komunitetet që jetojnë në pjesën veriore të Kosovës”, thuhet në deklaratë.
Poashtu nga BE është thënë se “veprimet e njëanshme dhe të pakoordinuara minojnë përpjekjet për ndërtimin e besimit ndërmjet komunitetev”.
“Ne i bëjmë thirrje Kryeministrit në detyrë Kurti dhe autoriteteve të Kosovës që të ndalojnë këto mbyllje, të ushtrojnë përmbajtje dhe të shmangin masa përshkallëzuese.Të dyja palët, Kosova dhe Serbia, inkurajohen të angazhohen në mënyrë konstruktive në dialogun e lehtësuar nga BE për zbatimin e Marrëveshjes për rrugën drejt normalizimit dhe Aneksit të Zbatimit, si dhe marrëveshjeve të tjera të arritura në kuadër të këtij dialogu, pa vonesa apo parakushte të mëtejshme. Kjo përfshin edhe themelimin e Asociacionit/Komunitetit të Komunave me shumicë serbe. Normalizimi i marrëdhënieve është një kusht thelbësor në rrugën evropiane për të dyja palët”, thuhet në deklaratë.
Institucionet e Kosovës gjatë ditëve të fundit kanë mbyllë disa institucione dhe kompani paralele që vepronin në veri të Mitrovicës.
