Bashkimi Evropian ka reaguar pas përplasjes së sotme në Kuvendin e Kosovës mes disa deputetëve të PDK-së dhe disa ministrave e deputetëve të pushtetit.
Shefi i zyrës së BE-së, Tomas Szunyog ka thënë se skenat e sotme janë zhgënjyese, teksa ka shtuar se Kuvendi nuk është vend për sulme fizike.
“Skena zhgënjyese dhune u panë sot në Kuvend. Kuvendi nuk është vend për sulme fizike, por vend për të diskutuar propozimet dhe politikat në mënyrë demokratike. Diskursi dhe shkëmbimi i ideve janë bazat themelore të një demokracie”, ka shkruar ambasadori Szunyog.
