Emisari evropian për dialog, Peter Sorensen javën e ardhshme do ta vizitojë Kosovën.
Vizita e tij për Tëvë1 është konfirmuar nga Bashkimi Evropian.
Emisari evropian do të jetë në Prishtinë nga data 17 deri më 19 mars.
“Mund të konfirmojmë se Përfaqësuesi Special i BE-së Peter Sorensen do të bëjë vizitën e tij të parë në Kosovë nga data 17-19 mars”, thuhet në përgjigje.
Nga ana tjetër përfaqësuesja e re e lartë e BE-së Kaja Kallas ka thënë para disa javësh që gjatë muajit mars do të shikojnë se si të ecet përpara në procesin e dialogut duke përmendur po ashtu edhe faktin se ka kritika ndaj formatit të deritashëm të këtij procesi.
Në BE vazhdojnë të thonë se nuk do të heqin dorë nga kërkesat që si Kosova ashtu edhe Serbia t’i përmbushin obligimet e tyre që kanë dalë nga procesi i deritashëm i dialogut, e kjo përfshinë zbatimin e të gjitha marrëveshjeve të arritura deri me tash.
