Ministrat e Jashtëm të Bashkimit Evropian kanë miratuar sanksione të reja ndaj Iranit, duke synuar individë dhe subjekte të përfshira në një shtypje të dhunshme ndaj protestuesve dhe mbështetjen e vendit për Rusinë.
Ministrat pritet gjithashtu të arrijnë një marrëveshje politike për të përfshirë Trupat e Gardës Revolucionare Islamike të Iranit në listën e organizatave “terroriste” të bllokut, transmeton Al Jazeera.
Ky veprim do ta vendoste forcën elitare të vendit në një kategori të ngjashme me grupet e armatosura ISIS dhe al-Kaeda, duke shënuar një ndryshim simbolik në qasjen e Evropës ndaj udhëheqjes së Iranit.
Ministri i Jashtëm francez, Jean-Noel Barrot, ka thënë se shtypja e protestuesve nga Teherani “nuk mund të mbetet pa përgjigje”
“Shtypja e padurueshme që ka përfshirë revoltën paqësore të popullit iranian nuk mund të mbetet pa përgjigje”, u tha ai gazetarëve në Bruksel. “Guximi i jashtëzakonshëm i grave dhe burrave iranianë që kanë qenë shënjestra të kësaj dhune nuk mund të jetë i kotë.”
