“Ne duhet të përgatitemi për ndalje totale të gazit rus, dhe ky është skenar i mundshëm”, ka thënë presidentja e Komisionit Evropian, Ursula von der Leyen para gazetarëve më 20 korrik.
Blloku evropian ka vendosur sanksione të ashpra ndaj Rusisë, pas nisjes së sulmit të paprovokuar në Ukrainë më 24 shkurt.
Këto masa kanë nxitur Moskën që të zvogëlojë sasitë e energjisë që çon në disa vende të BE-së.
“Rusia është duke na shantazhuar neve. Rusia është duke e përdorur energjinë si armë. Prandaj, në çfarëdo rasti, qoftë i pjesshëm, ndalje e madhe, apo ndalje totale e gazit rus, Evropa duhet të jetë gati”, ka thënë von der Leyen.
Sipas këtij propozimi, zvogëlimi prej 15 për qind do të mund të zgjasë nga 1 gushti deri më 31 mars, dhe do të kalkulohet në bazë në të mesatareje përdorimi që është raportuar në periudhën e njëjtë të viteve 2016-2021.
Komisioni mund ta bëjë këtë cak si të detyrueshëm nëse vlerëson se ka rrezik të madh të ndaljes së gazit për BE-në.
Për t’u miratuar, propozimi duhet të ketë një shumicë prej 15 anëtarëve – nga 27 sa janë në total – apo mbështetje nga vendet që përfaqësojnë të paktën 65 për qind e popullsisë së bllokut./rel
