I sjellë nga emisarët më 21 tetor në Kosovë e Serbi, tani kopjet e draftit të asociacionit kanë filluar të shpërndahen edhe tek akterët e tjerë politik në vend.
Bashkimi Evropian këtë dokument për asociacionin ua ka dërguar edhe partive opozitare – në Kosovë. Këtë draft e ka siguruar edhe tëvë1 e që është i njëjti me draftin e publikuar më herët.
Lidhja Demokratike e Kosovës dhe Aleanca për Ardhmërinë e Kosovës, e kanë konfirmuar për tëvë1 se e kanë pranuar këtë dokument nga BE.
Ish-inspektori i AKI-së, Burim Ramadani, që para disa javësh e pati publikuar draftin thotë se BE pas njoftimit të opozitës, do ta publikoi edhe zyrtarisht dokumentin.
Në lidhje asociacionin ambasadori amerikan në Kosovë Jeff Hovenier ka përsëritur vazhdimisht qëndrimin e SHBA-së se asociacioni do të jetë në përputhje me Kushtetutën dhe se drafti i ndërkombëtarëve do të shkoi për shqyrtim në Gjykatën Kushtetuese.
Ku qëndrim amerikan, sipas Ramadanit, është jetik për vazhdimin e procesit.
Kryeministri i vendit Albin Kurti deri tani ka njoftuar se ka dorëzuar komentet me shkrim për draftin e asociacionit te BE, por që këto qëndrime nuk ka pranuar t’i shfaq publikisht.
