Bayerni ka transferuar Harry Kanen nga Tottenham Hotspur. Zyrtarizimi i transferimit që është përfolur gjatë u bë të shtunën nga kampioni gjerman.
Sulmuesi 30-vjeçar la firmosur kontratë të vlefshme deri në qershor të vitit 2027 dhe do ta mbajë fanellën me numrin 9.
“Jam shumë i lumtur të jem pjesë e Bayernit. Bayerni është një prej klubeve më të mëdha në botë dhe unë gjithnjë kam thënë se dua të garoj dhe të dëshmohem më nivelin më të lartë gjatë karrierës sime. Ky klub definohet nga mentaliteti fitues. Ndihem mirë që jam këtu”, ka thënë Kane.
Kapiteni i Anglisë luajti për Tottenhamin prej vitit 2004. Ka pasur periudha huazimi në fillim të karrierës si senior, por asnjëherë nuk ishte larguar nga Tottenhami.
Vlerësohet prej sulmuesve më të mirë në botë. Për Anglinë i ka shënuar 58 gola në 84 ndeshje.