Kampioni në fuqi i Bundesligës, Bayern Munich ka fituar ndaj Viktoria Plzen në ndeshjen e tretë në kuadër të Grupit C në Ligën e Kampionëve me rezultat 5-0.
Vendasit nuk treguan aspak mëshirë ndaj skuadrës çeke duke e dominuar nga fillimi deri në fund.
Goli i parë në takim erdhi nga Leroy Sane në minutën e shtatë për epërsinë e parë të bavarezëve. Ndërsa epërsia u dyfishua në minutën e 13-të me anësorin Serge Gnabry.
Në listën e realizatorëve hyri shumë shpejtë edhe Sadio Mane, derisa në minutën e 21-të realizoj golin e parë të tij personal me Bayernin në Ligën e Kampionëve, dhe të tretin për skuadrën e tij në këtë takim. Me shifra 3-0 u mbyll edhe pjesa e parë.
Sane edhe në pjesën e dytë gjeti rrjetën. Senegalezi në minutën e 51-të, realizoj golin e dytë personal për rezultatin 4:0.
Ndërsa i inkuadruari në pjesën e dytë Maxim Choupo-Moting shënoi në minutën e 60-të, për rezultatin përfundimtar të këtij takimi.
Pas kësaj fitore Bayerni renditet në pozitën e parë në Grupin C me nëntë pikë. Ndërkaq Viktoria Plzen mbetet pa pikë. /Tëvë1/