Bayern Muncheni pothuajse ka siguruar kalimin në çerekfinale të Ligës së Kampionëve.
Në ndeshjen e parë të 1/8 së finales, Bayerni triumfoi në shtëpi ndaj Bayer Leverkusenit me rezultatin e thellë 3:0.
Një gol në pjesën e parë dhe dy të tjerë në pjesën e dytë, ia siguruan Bayernit fitoren ndaj Leverkusenit, ekip që ndeshjen e mbylli me një futbollist më pak.
Harry Kane zhbllokoi rezultatin në minutën e 9-të dhe pjesa e parë përfundoi me rezultatin 1:0 në favor të bavarezëve.
Në pjesën e dytë, Jamal Musiala (54’) e dyfishoi epërsinë kurse Kane (75’) nga penalltia e konfirmoi fitoren e Bayernit.
Leverkuseni në 30-të minutat e fundit, luajti pa Nordi Mukielen, i cili u përjashtua pas dy kartonëve të verdhë, ndërsa Granit Xhaka ishte startues por u zëvendësua në minutën e 81-të.
Përballja e kthimit, do të zhvillohet javën e ardhshme, ku Leverkuseni synon befasinë kurse Bayerni konfirmimin e kalimit në çerekfinale të Ligës së Kampionëve.
