Bayern Munich ka gjetur portierin e ri. Daniel Peretz firmos me kampionët e Gjermanisë për pesë sezone.
Lajmin e afrimit të 23-vjeçarit nga Maccabi Tel Aviv, në Izrael, e ka bërë publik klubi bavarez, ndërsa thekson se lojtari do të mbajë fanellën me numrin 18-të.
Duke folur për këtë lëvizje, Peretz u shpreh se është një ëndërr e bërë realitet.
“Është një ëndërr për çdo fëmijë që një ditë të luajë për një klub aq të madh sa Bayerni. Kur dëgjova për interesimin e Bayernit, kisha vetëm një dëshirë: të vija këtu. Unë jam i uritur për gjithçka që do të vijë.”-tha portieri në prononcimin për faqen zyrtare të klubit.
