Trajneri, Tahir Batatina ka qenë i ftuar në emisionin me të ri sportiv “VAR” në Tëvë1, derisa ka shprehur opinionin e tij në lidhje me trajnerin e ri te Kosovës, Alan Giresse.
Batatina u shpreh se Giresse ka përparësi pasi që ka drejtuar edhe kombëtare të tjerë, por shtoi se ka ardhur edhe në kohën e duhur.
“Një selektor që ka menaxhuar edhe Kombëtare të tjera, është një përparësi që në fillim të punës. Është ardhur në kohën e duhur dhe ka kohë të merret me lojtarët, formën e tyre, dhe të sheh se ku duhen bërë ndryshimet. Por ajo se çfarë duhet të bëjë është të futet në mentalitetin e tyre”.
