Mbrëmë rreth orës 22:00, Policia e Kosovës ka kryer një operacion bastisjeje në një diskotekë në rrugën magjistrale Prishtinë – Fushë-Kosovë.
Sipas njoftimit, gjatë këtij aksioni, janë sekuestruar njëmbëdhjetë copë fishekë të kalibrave të ndryshëm, dy thika, dy shufra metalike, një jelek antiplumb, një Spërkatës (Sprej), si dhe pesë shkopinj druri.
Në këtë operacion janë shoqëruar në stacion policor gjashtë persona.
“Në stacionin policor janë shoqëruar gjashtë persona të dyshuar dhe me rekomandimin e prokurorit të shtetit është iniciuar hetim për gjashtë raste të ndryshme penale, ndërkaq të dyshuarit janë proceduar më tej”, thuhet në njoftim. /Teve1.info/
