Policia gjatë bastisjes ka hasur në personin e dyshuar, i cili sipas Policisë, papritmas ka drejtuar armën në drejtim të zyrtarëve policor, dhe si pasojë një zyrtar policor ka plagosur të dyshuarin.
Lajmin për teve1.info e ka konfirmuar zëdhënësi i Policisë së Kosovës, Baki Kelani.
Ndërsa Policia e Kosovës përmes një komunikate ka dhënë detaje për rastin në fjalë.
“Lidhur me raportimet se me datën 07.05.2022, në zonën e përgjegjësisë së stacionit policor veriu në Prishtinë ka pasur të shtëna me armë zjarri, pas informacioneve të mbledhura dhe hetimeve të kryera, bazuar në urdhrin e gjyqtarit të proceduarës paraprake sot më datë 08.05.2022, në lokacionin e dyshuar është kryer një bastisje nga zyrtarët policorë. Policia gjatë realizimit të detyrave dhe autorizimeve ligjore bazuar në urdhëresën e gjykatës ka ndërmarr veprime në realizim të bastisjes në shtëpinë e të dyshuarit (B.B.)”, thuhet në njoftim.
Po ashtu gjatë bastisjes njësitet polocire në vendin e ngjarjes kanë hasur një arsenal armësh që posedonte i dyshuari.
