Policia e Kosovës ka kryer bastisje të premten në një shtëpi në Podujevë.
Sipas Policisë, gjatë bastisjes janë gjetur dhe konfiskuar një armë e gjatë, një pistoletë, dy thika dhe një brisk, katër karikatorë, dy fishekë, pajisje për pastrim arme, substancë narkotike 7.60 gramë dhe dy mulli për bluarje.
I dyshuari, kishte urdhërarrest aktiv, por që i njëjti gjatë aksionit policor, kishte arritur të largohej.
“Njësitet policore në shtëpinë e të dyshuarit mashkull kosovar i cili kishte urdhër-arrest aktiv, (por kishte arritur të largohet) gjatë bastisjes kanë gjetur dhe konfiskuar një armë të gjatë, një pistoletë, 2-thika dhe 1-brisk, 4-karikatorë, 2-fishekë, pajisje për pastrim arme, substancë narkotike 7.60 gramë, 2- mulli për bluarje. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin e PK-së./teve1.info/
