Njëra nga basketbollistet më të talentuara të Kosovës, Malvina Haziri do ta vazhdoj karrierën në SHBA.
KBF Prishtina ka bërë të ditur se Haziri do të jetë pjesë e universitet prestigjioz “Washington State”, duke shënuar një hap të madh në karrierën e saj ndërkombëtare.
“Pas punës së madhe disavjeçare, talenti i saj është vlerësuar nga njëri prej universiteteve më të madhe në SHBA. Ky transferim është arritje e madhe jo vetëm për Malvinën, por edhe klubin tonë dhe basketbollin në përgjithësi” ,ka shkruar ndër të tjera Prishtina.
Haziri 15-vjeçare, sezonin e shkuar debutoi me ekipin e parë të Prishtinës dhe tregoi paraqitje fantastike në Superligën e femrave.
Formën e mirë, Haziri e vazhdoi edhe këtë sezon duke luajtur me një mesatare prej 13 piikëve, 3 kërcimeve e 3 asistimeve për ndeshje.
Haziri bëhet lojtarja e dytë që nga klubi i Prishtinës që brenda këtij viti i hapen dyert për të vazhduar karrierën në nivel ndërkombëtar pas Gerta Hotit që është transferuar në Francë.
