Pas fitores ndaj Azerbajxhanit, të enjten mbrëma, basketbollistët e Kombëtares së Kosovës synojnë ritmin e fitoreve në shtëpi, edhe ndaj Zvicrës.
“Dardanët” iu janë revanshuan Azerbajxhanit për humbjen e shkaktuar në muajin shkurt të vitit të shkuar.
Kosova triumfoi me rezultatin 81:79 në kuadër të parakualifikimeve evropiane për Kupën e Botës 2027.
Në fakt, Kosova nga Azerbajxhani kishte humbur me dhjetë pikë dallim por fitorja në Prishtinë ka bërë që “Dardanët” të tubojnë 7 pikë, një më shumë se Azerbajxhani pas 5 ndeshjeve të luajtura.
Kosova e humbi çerekun e parë dhe të tretë me nga një pikë (21:20, 18:17) por e fitoi çerekun e dytë (23:20) dhe të katërt (21:20) për ta siguruar triumfin në shtëpi.
Mikaile Tmushiq me 21 pikë, 4 kërcime e 2 asistime ishte më efikasi te Kosova kurse amerikani i natyralizuar Divine Myles shtoi 16 pikë tjera për fitoren e “Dardanëve”.
Te Azerbajxhani, u veçua Donta Hall me 21 pikë të shënuara por që nuk arriti ta shpëtoj skuadrën etij nga humbja.
Për Kosovën, kjo është fitorja e dytë në këto parakualifikime dhe të dielën synon të tretën për ta synuar kalimin në fazën tjetër si kombëtarja e dytë më e mirë.
Kundërshtari i radhës i Kosovës është Zvicra, ndeshje kjo që luhet të dielën më 23 shkurt, në Prishtinë, duke nisur nga ora 19:30.
