Me duelin mes kampiones në fuqi dhe nënkampionit, do të mbyllet xhiro e tretë e Superligës së Kosovës në basketboll.
Derbi Trepça – Bashkimi, do të luhet prej orës 19:00 në palestrën “Minatori” në Mitrovicë që pritet të jetë e stërmbushur.
Këto dy skuadra janë të vetmet që përfaqësojnë basketbollin kosovar në garat e FIBA-s, këtë sezon pasi paraqiten në fazën grupore të FIBA Europe Cup.
As Trepça e as Bashkimi, ende nuk kanë fitore në kë fazë, pasi kanë regjistruar nga dy humbje pas po aq ndeshjeve të luajtura.
Sa i përket Superligës së Kosovës, Bashkimi ka dy fitore nga po aq ndeshje, ndërsa Trepça ka regjistruar një disfatë dhe një fitore.
Përderisa Bashkimi synon fitoren e tretë rresht për t’u bërë si Sigal Prishtina e Peja pas tri xhirove, Trepça është në kërkim të fitores së dytë.
