Edicionit 2023/24 në Superligën e Kosovës në basketboll, do t’i paraprijë turneu i Superkupës.
Superkupa e meshkujve mbahet javën e ardhshme, ndërsa ajo e femrave në fund të muajit. Federata e Basketbollit të Kosovës, të premten ka njoftuar se organizimin e Superkupës te meshkujt e ka fituar skuadra e Golden Eagle Yllit.
Kështu që, ky turne do të mbahet në palestrën “13 Qershori” në Suharekë prej datës 13 deri më 17 shtator.
Te meshkujt, do të marrin pjesë të gjitha tetë skuadrat e Superligës. Ndërkohë, në konkurrencën e femrave, do të paraqiten vetëm katër skuadra.
Kjo ngjarje do të mbahet në fund të muajit dhe në palestrën “Sezai Surroi” në Prizren.
