Sot, do të luhen dy ndeshjet e para të xhiros së 27-t të Superligës së Kosovës në basketboll, që do të mbyllet të enjten mbrëma.
Prej orës 19:00, janë në program përballjet Golden Eagle Ylli – Vëllaznimi dhe Bora – Protn Cable Prizreni.
Megjithatë, vëmendja do të jetë në Suharekë pasi dueli në Prishtinë mes dy skuadrave të fundit në tabelë nuk vendos asgjë kur kanë mbetur edhe dy xhiro deri në përfundimit të stinorit të rregullt.
Ylli dhe Vëllaznimi kanë nga 39 pikë, skuadra këto që synojnë fitoren në këtë përballje pasi pjesën e rregullt synojnë ta përfundojnë të pozitën e katërt, të cilën aktualisht e mbanë Peja me 40 pikë.
Vëllaznimi është i pesti në tabelë kurse Ylli i gjashti por ekipi nga Suhareka vlerësohet favorit pasi luan në shtëpi dhe nuk di për humbje në katër ndeshjet e fundit, në të cilat ka mposhtur Trepçën, Sigal Prishtinën Pejën dhe Bashkimin.
Në anën tjetër, Vëllaznimi në këtë ndeshje do të jetë i hendikepuar pasi shkaku i lëndimit i mungojnë Arian Azemi e Trey Anderson.
