Sot, përfundon xhiro e 14-të në Superligën e Kosovës në basketboll, me dy ndeshje që janë në program.
Megjithatë, vëmendja do të jetë në Mitrovicë, ku do të përballen Trepça dhe Sigal Prishtina.
Ndeshja nis në orën 17:00 në palestrën “Minatori” dhe pritet të jetë e fortë dhe interesante.
Trepça është lidere me 23 pikë, tri më shumë se Sigal Prishtina që renditet e katërta.
Ndërkohë, ndeshja e fundit e kësaj xhiroje, do të luhet në Gjakovë, ku Vëllaznimi e pret skuadrën e Pejës.
Përballja në palestrën “Shani Nushi” nis në orën 19:30 dhe do të jetë interesante, më dy skuadrat që synojnë fitoren.
Vëllaznimi është i fundit në tabelë me 17 pikë, tri më pak se Peja që zë vendin e pestë.
