Skuadra e Bashkimit ka marrë një goditje të rëndë në fazën finale të Superligës së Kosovës në basketboll.
Bashkimi, të mërkurën ka njoftuar se amerikani Jayveous McKinnis, ka pësuar një lëndim të rëndë në ndeshjen e fundit kampionale ndaj Trepçës.
Ekzaminimet kanë konfirmuar se ai ka thyer shuplakën e dorës së djathtë dhe do të duhet të pauzoj për disa javë derisa të rikuperohet për të qenë i gatshëm për lojë.
Megjithatë, McKinnis mund ta ketë përfunduar sezonin para kohe dhe Bashkimit do ti duhet të intervenoj për ta zëvendësuar këtë basketbollist të rëndësishëm.
McKinnis është njëri prej lojtarëve kryesor të Bashkimit këtë sezon, në të cilin po luan me një mesatare prej 12 pikëve dhe 11 kërcimeve për ndeshje.
Aktualisht, Bashkimi është i dyti në Superligë me 37 pikë, sa i ka edhe Trepça që renditet e para pas 22 xhirove të zhvilluara.
