Sot me fillim të orë 19:00, zhvillohet dueli mes Bashkimit dhe Trepçës.
Kjo ndeshje ishte e paraparë të zhvillohej në xhiron e parë, por u shtye për shkak të angazhimit të Trepçës në garat evropiane.
Dy skuadrat, janë të vetmet pa humbje, ku i kanë fituar dy duelet e para.
Basketbollistët e trajnerit Adis Beçiragiq, fillimisht mposhtën Yllin, e më vonë dhe Vëllaznimin, ndërsa Bashkimi ishte më i mirë se Vëllaznimi dhe rivali i qytetit Proton Cable Prizreni.
Tek Bashkimi nuk do të ketë mungesa, ndërsa te Trepça është në dyshim fundori Larry Thomas.
Kjo ndeshje pritet të jetë derbi duke marrë parasysh cilësitë e dy skuadrave, si dhe tribunat pritet të jenë të mbushura me tifozë.
Se sa e fortë është kjo përballje sonte, tregon edhe fakti i rëndësishëm se pas vetëm dy xhirove, vetëm këto dy skuadra nuk kanë humbje, e njëra prej tyre do ta shijoj sonte/
Kjo sfidë zhvillohet në palestrën “Sezai Surroi” në Prizren prej orës 19:00.
Në xhiron e katërt, Trepça luan derbin ndaj Prishtinës, teksa Bashkimi e pret Borën në shtëpi, duele këto që zhvillohen në fundjavë.
