Nënkampioni i Kosovës në basketboll, Bashkimi që do të debutojë në sezonin 2025/26 në garat e evropiane nuk ka pasur fat në shortin e kualifikimeve për FIBA Europe Cup.
Shorti është tërhequr të mërkurën, ndërsa Bashkimi do të përballet me ekipin e madh nga Polonia, Anwil për një vend në Grupin F të stinorit të rregullt.
Bashkimi e Anwili do ti luajnë dy ndeshje, vajtje – ardhje dhe fituesi do të jetë pjesë e FIBA Europe Cup kurse humbësi do të eliminohet.
Ndeshja e parë do të luhet në Poloni, me Anwilin vendas kurse ajo e kthimit në shtëpinë e Bashkimit, Prizren.
Duelet e para të kualifikimeve të FIBA Europe Cup, do të luhen më 24 shtator kurse ato të kthimit më datën 1 tetor.
Krahas Bashkimit, në sezonin e ri është kampionia e Kosovës, Trepça do të paraqitet në kualifikimet e garave evropiane, por të Ligës së Kampionëve.
