I ftuar në emisionin “Info Nata”në Tëvë1 Agushi u shpreh se duke e parë gjendjen e vështirë në Anamoravë dhe mosinvestimin nga Qeveria, për shumë dekada po ashtu mosinteresimin e përfaqësuesve të kësaj zone në Parlamentin e Republikës së Kosovës e në Qeveri, u ka lindur ideja që të formohet një subjekt politik rajonal, të cilin e kanë quajtur “Anamoravë”.
“Sepse interesat tona të cilat i përfaqësojmë së bashku, më mirë se ne nuk mundë t’i përfaqësojë askush tjetër”, tha ai.
Në lidhje me formimin e kësaj partie, Agushi u tha se ka gjetur mbështetje në disa komuna.
“Fillimisht unë me disa shokë dhe pastaj shumë qytetarë të tjerë nga shoqëria civile, të pakënaqur me zhvillimet dhe mosinvestimet në Anamoravë menduam të fillojmë një Iniciativë qytetare të Gjilanit por pastaj edhe komuna të tjerash Kamenica, Vitia, Novobërda shprehën interesimin të bashkohen dhe së bashku e vendosëm emrin Anamoravë”, u shpreh ai.
Anamorava përfshinë komunat e Vitisë, Gjilanit, Novobërdës dhe Kamenicës kurse selia themelore e kësaj partie është vendosur në qytetin e Gjilanit
“Ne jemi subjekt nacional me program dhe status për qendrën”, tha Agushi për Tëvë1.
