Skuadra e Bashkimit ka marrë fitore të rëndësishme në kuadër të xhiros së 21-t të Superligës së Kosovës në basketboll.
Të mërkurën mbrëma, Bashkimi e mposhti në udhëtim skuadrën e Pejës.
Dueli i luajtur në palestrën “Karagaçi” përfundoi e fitoren e Bashkimit me shifrat 87:72.
Bashkimi ishte në disavantazh pas çerekut të dytë, por në dy periudhat e fundit u rikthye fuqishëm për ta mposhtur skuadrën pejane.
Mack Smith me 19 pikë e Dirk Williams me 15 sosh ishin më të dalluarit te Bashkimi, ndërsa te Peja që u paraqit pa Dardan Berishën, më efikasi ishte Markus Towns me 24 pikë të realizuara.
Me këtë fitore, Bashkimi ngjitet në pozitën e parë me 36 pikë, dy më shumë se Trepça që ka një ndeshje më pak të zhvilluar.
