Pas humbjes nga Trepça, KB Bashkimi ka marrë një lajm tjetër të keq sa i përket lëndimit të fundorit Valon Bunjaku.
Bunjaku pësoi lëndim muskulor gjatë ndeshjes, duke u detyruar të largohet nga parketi të mërkurën mbrëma, ndërsa një ditë më vonë, Bashkimi ka njoftuar për gjendjen e tij.
Bazuar në raportin mjekësor, Bashkimi ka bërë të ditur se Bunjaku nuk do të jetë në dispozicion të ekipit për të paktën katër javë.
Krahas Bunjakut, te Bashkimi të lënduar janë edhe amerikanët Jeremiah Bailey e Isaiah Cousins, të cilët nuk u paraqitën fare në ndeshjen e xhiros së dhjetë kundër Trepçës.
Bashkimi katër javë nuk mund të llogarit as në Baileyn, ndërsa Cousins pritet të rikuperohet më shpejtë dhe të jetë i gatshëm për lojë.
Gjithashtu, te Bashkimi i lënduar është edhe basketbollisti i talentuar Besim Bytyqi.
