Sot, prej orës 19:00 luhet ndeshja e tretë finale e play-offit në Superligën e femrave në basketboll ndërmjet Bashkimit dhe Pejës 03. Ky duel zhvillohet në palestrën “Sezai Surroi” në Prizren dhe pritet të jetë interesant sikurse dy ndeshjet e mëparshme të kësaj serie, të cilat i fitoi Bashkimi me rezultatin e ngushtë.
Aktualisht, Bashkimi po avancon 2:0 në këtë seri dhe i duhet vetëm edhe një fitore për ta fituar titullin e kampionit.
Për Pejën 03, ky është sezoni i dytë në Superligë dhe i pari që po paraqitet në finale të play-offit.
Në anën tjetër, Bashkimi po e kërkon titullin e tretë rresht, sukses që e ka shijuar në dy sezonet e fundit.
Në fakt, Bashkimi po synon ta mbroj “tripletën” në basketbollin e femrave për vitin e tretë pasi këtë sezon tashmë ka triumfuar në Superkupë dhe Kupë të Kosovës, trofe që i ka fituar në dy sezonet e fundit.
