Nënkampioni i Kosovës, Bashkimi luftoi deri në fund, por nuk ia arriti që për herë të parë të jenë pjesë e grupeve të FIBA Europe Cup.
Prizrenasit në ndeshjen e kthimit pësuan në Poloni nga Anwil me rezultat 93:71 (21:21, 25:21, 18:17, 29:12).
Portokallezinjtë e kishin fituar ndeshjen e parë 80:75.
Për 30 minuta, ndeshja ishte kryesisht e baraspeshuar, por në dhjetë minutat e fundit dhe vendimtar, Anwil u shkëput dhe fitoi 93:71.
Anwil kalon në grupe ku i bashkohet kampiones së Kosovës, Trepçës, si dhe PAOK-ut të Greqisë dhe Braunschweig të Gjermanisë në Grupin F.
