Basketbollisti amerikan, MJ Rhett është përforcimi më i ri i huaj te KB Bashkimi.
Skuadra nga Prizreni, të premten e ka prezantuar basketbollistin e gjatë 206 centimetra, i cili do të jetë pjesë e Bashkimit për sezonin 2024/25.
Rhett është një lojtar me përvojë të madhe, ndërsa ka luajtur edhe në Kosovë ku edhe ka fituar trofe.
Ai gjatë sezonit 2016/17 ishte pjesë e Sigal Prishtinës, ekip me të cilin u shpall kampion dhe fitues i Kupës së Kosovës.
Në Evropë, Rhet ka bërë karrierë në Kroaci, Greqi, Itali, Poloni, Letoni e Francë. Ka luajtur pastaj edhe në Argjentinë, Brazil e disa vende tjera.
