Shefi i Forcës së Sigurisë së Kosovës, Bashkim Jashari ka vizituar qendrën e prodhimit të dronëve të kompanisë turke të industrisë së mbrojtjes “Baykar”, raporton Anadolu.
Gjenerallejtënant Bashkim Jashari, Komandanti i Forcës së Sigurisë së Kosovës, së bashku me delegacionin që e shoqëronte, vizituan Qendrën Kombëtare të Teknologjisë “Özdemir Bayraktar”, njoftoi Baykar.
“Ishim të nderuar t’i mirëpresim”, ka shkruar kompania në një postim në rrjetet sociale.
Komandanti i FSK-së është mirëpritur nga udhëheqësi i kompanisë Baykar, Selçuk Bayraktar.
Forca e Sigurisë së Kosovës (FSK) përdor dronët Bayraktar TB2, të cilët janë blerë nga Turqia gjatë vitit 2023. Këta dronë janë përdorur për monitorimin e territorit të Kosovës dhe identifikimin e rreziqeve potenciale.
