Sa herë që vijnë në pushime në Kosovë, e vizitojnë edhe këtë vend.
Besim Gashi e Afrim Shala vijnë çdo vit në fshatin Lladrovc të Malishevës për ta përkujtuar, bashkëluftëtarin e tyre Fehmi Kastrati i njohur si “Dinamiti”.
Gashi tregon për aktivitetin e tyre që kishin në atë kohë me dëshmorin në këtë zonë në kohën e luftimeve me forcat serbe.
Derisa, Afrim Shala e përshkruan atë si një njeri të zotë në fushën ushtarake por edhe rrëfen për momentin kur tashmë ai ishte vrarë në vijat e frontit.
E nëna e tij nën emocione tregon se i biri i saj vazhdimisht ishte angazhuar në mbrojtjen e atdheut.
“Po ashtu, ajo e ka të freskët edhe ceremoninë e varrimit të të birit ku tregon se çfarë kishte deklaruar para mediave ndërkombëtare”, thotw Bahtije Kastrati.
E vëllau i dëshmorit Ali Kastrati, thotë se i ndjeri asnjëherë nuk e dinte ndjenjën e frikës nga armiku, derisa shprehet krenar për veprën e tij.
Fehmi Kastrati u vra më 16 tetor të vitit 1998 e ku tashmë shkolla e fshatit Kishnarekë të Drenasit e mban emrin e tij.
