Gjatë viteve 2011-2021, në Policinë e Kosovës janë iniciuar 282 raste të kësaj natyre. Vetëm gjatë vitit 2021, për veprën penale “bashkëjetesa me persona nën moshën 16-vjeçare”, janë iniciuar 56 raste.
Po ashtu edhe rritja e vetëdijesimit për raportimin e këtyre rasteve është rritur. Zyrtarët e Policisë së Kosovës thonë se ata veprojnë në të gjitha rastet kur ka informacione se ka raste të shkeljes së ligjit të kësaj natyre.
“Në rastin konkret, kur mëson se mes personave ka bashkëjetesë jashtëmartesore me persona nën 16 vjet, iniciojmë rastet dhe i trajtojmë ato në koordinim me institucionet e tjera që përfshihen në rastet e tilla”, thuhet në përgjigjen e Policisë për emisionin “De Jure”.
Martesat e hershme, sipas Kodit Penal të Kosovës janë dënueshme. Një person që e detyron një fëmijë (nën moshën 18-vjeçare) të martohet, mund të dënohet me burg prej 2 deri në 10 vjet.
Kur kjo shkelje bëhet nga prindi ose kujdestari, atëherë dënimet me burgim sillen prej 5-10 vjet, ndërsa për martesë të detyruar të fëmijëve të moshës 14-16-vjeçare, dënimet me burgim sillen së paku 15 vjet.
Për më shumë ndiqni emisioni “De Jure”, në Tëvë1 dhe “Betimi për Drejtësi”, për hulumtimin mbi “Martesat mes të miturve./Tëvë1/
