Ish-presidenti i Sirisë Bashar al-Assad thotë se ai kurrë nuk kishte ndërmend të ikte në Rusi, në atë që supozohet të jetë deklarata e tij e parë që nga rënia e Damaskut tetë ditë më parë.
Deklarata e raportuar e Asadit u postua të hënën në kanalin Telegram që i përket presidencës siriane, megjithëse nuk është e qartë se kush e kontrollon aktualisht apo nëse ai e ka shkruar atë, raporton BBC.
Në të ai thotë se, ndërsa kryeqyteti sirian ra në duart e rebelëve, ai shkoi në bazën ushtarake ruse në provincën Latakia “për të mbikëqyrur operacionet luftarake” vetëm për të parë se trupat siriane kishin braktisur pozicionet.
Sipas tij Baza “Hmeimim” ishte gjithashtu nën “sulm të intensifikuar nga sulmet me dronë” dhe rusët kishin vendosur ta transportonin atë në Moskë.
Ai shton se në asnjë moment gjatë këtyre ngjarjeve nuk ka menduar të tërhiqet apo të kërkoj strehim dhe se as nuk është bërë një propozim i tillë nga ndonjë individ apo parti.
“Kur shteti bie në duart e terrorizmit dhe aftësia për të dhënë një kontribut kuptimplotë humbet, çdo pozicion bëhet i pavlefshëm”, thuhet më tej në deklaratën e tij.
