Deputeti i Lëvizjes Vetëvendosje, Dimal Basha ka thënë se oferta ndaj LDK-së për bashkëpunim ka qenë serioze.
Megjithatë ai ka thënë se me refuzimin kryetari i LDK-së tregojë se dëshiron qeverisje me PDK-në
Por, ai ka thënë se kjo parti nuk do të bëjë ofertë për PDK e AAK-në.
“Mendoj se z.Abdixhiku duhet më i dhënë shpjegim elektoratit të vet pse ai e donë PDK-në dhe AAK-në me vete. Oferta ka qenë mjaftë serioze, kurse refuzimi i LDK-së është se ne ‘pa PDK-në nuk vijmë’. E ne i themi, jo PDK-së, jo AAK-së, për shkak se i shohim ata si akterët kryesor që i kanë sjellë dëme këtij vendi. Jo, pra e kemi bërë të qartë këtë dhe të vetmen ftesë që i kemi bë ka qenë LDK-së dhe ka qenë shumë serioze ku do të formimin një qeveri mjaft stabile. Por siç po shihet Abdixhiku është i ngushtë me PDK-në dhe kjo është në kundërshtim me vullnetin e elektoratit të LDK-së”, ka thënë Basha në emisionin “InfoNata” në Tëvë1.
Sa i përket konstituimit të Kuvendit ai ka thënë se duhet të ketë reflektim nga të gjitha partitë që të konstituohet Kuvendi dhe t’i hapet rruga formimit të Qeverisë, për të cilën gjë ai ka thënë se shpresjnë që do t’i bëjnë votat.
