Deputeti i Lëvizjes Vetëvendosje, Dimal Basha ka reaguar pas dorëheqjes së tre serbëve nga Policia e Kosovës.
Duke iu drejtuar shefit të EULEX-it, Giovanni Pietro Barbano, dhe disa ambasadorëve që reaguan pas dorëheqjes, Basha ka thënë se të njëjtit po shesin përralla, përcjell teve1.info
“Shefi i EULEX-it dhe plotë ambasadorë paskan reagu duke thanë që jemi duke i përcjellë me shqetësim dorëheqjet e fundit të 3 serbëve të Kosovës të saporekrutuar!Po na shitni përralla për besë, sepse me qenë vërtetë të shqetësum i kishi vë masa Serbisë, e jo Kosovës”, ka shkruar ai në Facebook.
Shefi i misionit të EULEX-it, Giovanni Pietro Barbano ka deklaruar sot se e ka parë me shqetësim aktin e dorëheqjes së tre policëve serbë të Kosovës të saporekrutuar.
Barbano ka thënë se përbërja e policisë duhet të pasqyrojë dhe përfaqësojë shoqërinë, të cilës ata i shërbejnë dhe e mbrojnë. /Teve1.info/
