Deputeti i VV-së, Dimal Basha ka thënë se nuk do të ketë një Asociacion si ‘Zajednica’ e Isa Mustafës.
Sipas tij edhe në Kosovë ka Asociacione, madje i përmendi disa.
“Pyetja a bën me pas Asociacione, unë hina e kqyra në sistemin elektronik për OJQ, ishin diku 140 Asociacione. Kish Asociacion të Meteorologëve, Pulmologëve, Gazetarëve, por Asociacion, Zajednicë të Isa Mustafës, Zajednicë nuk ka me pasë, kështu që rrini të qetë”, ka thënë Basha.
Ai ka përmendur disa mekanizma në Serbi e Kroaci që mund të shërbejnë si modele për Asociacionin e Komunave me shumicë serbe.
“Zgjidhje ka plot. Një prej zgjidhjeve dhe modeleve është Serbia, e ka Këshillin Nacional për komunitete pakicë. Ata po mendojnë që është zgjedhja më e mirë për pakica, kjo mundet me qenë një prej modeleve që na mujna me ia ofru për me bo një zgjidhje. Tjetra, është një Asociacion i Serbëve në Kroaci, ndryshe quhet Këshilli Kombëtar Serb që është koordinim kombëtar i këshillave të pakicave kombëtare serbe, është organ politik, këshillues dhe koordinues i zgjedhur në mënyrë demokratike e që merret me çështje të të drejtave të tyre, identitetit dhe pjesëmarrjes e integrimit të tyre në shoqërinë kroate. Kjo nuk e ka cenu as integritetin dhe integritetin”, ka deklaruar Basha.
Por sipas Bashës Vuçiqi po e do ‘Zajednicën që ia ka bo temelin Hashim Thaçi e ia ka qit kulmin Isa Mustafa’.
“Në do të ofrojmë modele të mjaftueshme që me dalë me zgjidhje. Pra fjala është për me pasë Asociacione për bashkëpunim, kryeministri ka tregu edhe vet që ka ba oferta konkrete. Por krejt çka po thotë Vuçiqi është pe du Asociacionin që ia ka bo temelin Hashim Thaçi e ia ka qit kulmin Isa Mustafa. Ai s’po e do këtë të Albinit por të juvin”, ka shtuar Basha.
